Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



15 Iyul
2019
13:59
441

15
Iyul
13:59



“InvestAZ”dan dünya maliyyə bazarları ilə bağlı həftəlik analiz
InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib. EUR
Beynəlxalq valyuta birjalarında qlobal siyasi və iqtisadi risklərin artdığı bir şəraitdə Amerika mərkəzi bankının (FED) uçot faizini azaldacağı ehtimalları aktual olaraq qalır və bu dolların aparıcı valyutalara nisbətən qiymətlərinin 1%-ə kimi ucuzlaşma ehtimallarını gücləndirir. ABŞ ilə Çin arasında ticarət sazişi danışıqları fonunda qeyri-müəyyənliyin hökm sürdüyü bir şəraitdə, Qərb ölkələri ilə İran arasında münasibətlər də getdikcə gərginləşməkdədir. Bütün bunlar dünya iqtisadiyyatının inkişaf proqnozlarını da aşağı salmaqdadır.
Nəticədə EUR/USD məzənnəsinin də 1.1313$-a kimi bahalaşması proqnozlaşdırılır. Bununla yanaşı, Avrozonadan çərşənbə axşamı Bakı vaxtı ilə saat 13:00-da iqtisadi aktivliyə dair gözləntiləri ölçən indeks, ticarət dövriyyəsi və çərşənbə günü saat 13:00-da inflyasiya ilə bağlı açıqlanacaq önəmli fundamental məlumatlar da investorların diqqət mərkəzindədir.
GBP
Funt da dolların ucuzlaşa biləcəyi ehtimalları fonunda 1.2661$-a kimi bahalaşa bilər. Burada isə çərşənbə axşamı saat 12:30 və çərşənbə günü saat 12:30-da İngiltərədən dərc ediləcək əmək bazarı və inflyasiya ilə bağlı statistik məlumatlar önəmli rol oynayacaq.
Böyük Britaniyada seçiləcək baş nazir fonunda qeyri-müəyyənliklər və Avropa Birliyindən sazişsiz ayrılma ehtimalları ilə bağlı siyasi təzyiqlər də diqqət mərkəzindədir.
TRY
Türkiyə ilə Amerika arasında siyasi gərginliyin daha da artması ehtimallarının USD/TRY məzənnəsinin də 5.83TL-yə kimi bahalaşmasına səbəb ola bilər.
Çərşənbə axşamı saat 11:00-da işsizlik və çərşənbə günü saat 11:00-da pərakəndə satış dövriyyəsinə dair Türkiyədən yayımlanacaq önəmli göstəricilər də investorların diqqət mərkəzindədir.
OIL
Amerika sahillərində qasırğa təhlükəsi ilə əlaqədar olaraq, keçən həftə ərzində Avropanın Brent neftinin bir barel qiyməti 67$-a kimi dəyər qazanmışdır. Təhlillərə əsasən, bir barel üzrə qiymət 69$-a kimi də dəyər qazana bilər.
Çərşənbə günü saat 18:30-da açıqlanacaq Amerikanın neft və benzin ehtiyatları ilə bağlı önəmli fundamental məlumatların da qiymətlərə güclü təsir edəcəyi gözlənilir.
GOLD
Beynəlxalq birjalarda FED-in faiz azaldılması və dolların ucuzlaşması ehtimalları əlvan metallar bazarlarında qızılın 1400$-da dəstək görməsinə səbəb olur. Bir unsiya üzrə qiymət hal-hazırda 1410$-ın (45.3 $/qram) üzərində ticarət edilir və 1420$-ı (45.7 $/qram) qırarsa, 1436$-a (46.2 $/qram) kimi də bahalaşa bilər.
Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Soyada baxaraq əcdadlarınız barədə nəsə öyrənmək mümkündür - NECƏ?







Koreya Respublikası Milli Assambleyasının sədri Azərbaycana rəsmi səfərə gəlib







Güləşçilərimiz Dünya Çimərlik Oyunlarında iki medal qazanıb







Yasamalda kafedən oğurluq edən şəxs saxlanılıb


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az