AZ | RU
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə


Telefona yüklə



24 May
2019
09:40
465



Maliyyə Bazarlarına Nəzarət Palatasında BMT nümayəndə heyəti ilə görüş keçirilib

Maliyyə Bazarlarına Nəzarət Palatasında BMT-nin Azərbaycan üzrə rezident əlaqələndiricisi Qulam İshaqzai və BMT-nin Azərbaycan ofisinin koordinasiya məsələləri üzrə analitiki Şəms Mustafayeva ilə görüş keçirilib.

Maliyyə Bazarlarına Nəzarət Palatasından Xeberoxu.az-a verilən məlumata görə, palatanın İdarə Heyətinin sədri vəzifəsini icra edən İbrahim Alışov nümayəndə heyətini salamlayaraq Azərbaycanda maliyyə sabitliyinin təmin olunması istiqamətində həyata keçirilən tədbirlər, Bazel standartlarının tətbiqi üzrə reallaşdırılan maliyyə islahatları barədə ətraflı məlumat verərək ölkənin bank, sığorta və qiymətli kağızlar bazarının hazırki vəziyyəti, maliyyə bazarlarının aparıcı komponentləri kimi bu sferalarda əldə olunan irəliləyişlər haqda bir çox məqamları diqqətə çatdırıb.

Ölkədə maliyyə sektorunda izlənilən islahatyönümlü tendensiyanın beynəlxalq arenada yüksək qiymətləndirildiyi, bunun nəticəsi olaraq, “Doingbusiness 2019” hesabatında ölkəmizin kreditlərin əlçatanlığı indikatoru üzrə 122-ci yerdən 100 pillə irəliləyərək 22-ci pilləyə yüksəlməsi, kredit məlumatlarının əhatəliliyi indeksi üzrə 8 mümkün baldan 8 bal toplayaraq 10 ən islahatçı ölkə sırasına daxil olması vurğulanıb.

Daha sonra əhalinin rifah halının yüksəldilməsi, sosial müdafiəsinin və layiqli həyat səviyyəsinin təmin olunması məqsədilə ölkə başçısı İlham Əliyev tərəfindən imzalanmış “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Fərman barədə məlumat verilib.

Ölkə əhalisinə dövlət dəstəyinin bariz nümunəsi kimi imzalanan və icra olunan Fərmanın böyük çərçivədə insanların maddi vəziyyətinin yaxşılaşdırılmasına xidmət etməsi ilə yanaşı, bankların maliyyə stabilliyinin bərpa edilməsində mühüm rol oynayacağı vurğulanıb.

Öz növbəsində, BMT rəsmisi ölkədə həyata keçirilən iqtisadi və sosial islahatların təmsil etdiyi təşkilat tərəfindən yüksək qiymətləndirildiyini bildirərək, ölkədə yeni iş yerlərinin yaradılmasının, maliyyə sahəsində mütəmadi islahatların həyata keçirilməsinin dövlətimizin prioritet hədəflərindən olmasından, qısa zaman kəsiyində maliyyə sektorunda əldə edilən stabillikdən məmnunluğunu ifadə edib. Q.İsakzai həmçinin problemli kreditlərlə bağlı məlum Fərmanın BMT tərəfindən yüksək qiymətləndirildiyini xüsusi olaraq vurğulayıb.

Eyni zamanda, görüş zamanı Palatanın beynəlxalq əməkdaşlığa xüsusi önəm verməsindən, ümumilikdə 49 beynəlxalq təşkilat və maliyyə nəzarəti orqanları ilə məhsuldar əlaqələrin qurulmasından, qlobal maliyyə bazarlarında tətbiq olunan beynəlxalq təcrübələrin ölkəmizə inteqrasiyasının Palatanın əsas hədəflərindən biri olmasından danışılıb. Bununla əlaqədar, Palatanın BMT tərəfindən bir çox ölkələrdə həyata keçirilən maliyyə inklüzivliyi, maliyyə savadlılığının artırılması və maliyyə şəffaflığı layihələrindən yararlanmaqda maraqlı olduğu nəzərə çatdırılıb.

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







Bakı metrosunda qatarların hərəkətində gecikmə yaranıb - SƏBƏB?







Bakıda bir gecədə iki qadını maşın vurdu







XİN: Ermənistan rəhbərliyi öz hərəkətlərinin izahını verə biləcəkmi?







Türkiyə və Rusiya müdafiə nazirləri İdlibdəki vəziyyəti müzakirə ediblər


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az