29 Yan
2020
10:56
721

29
Yan
10:56



Azərbaycan ərazisinin 30 faizi yüksək seysmik riskli sahədə yerləşir

Azərbaycan ərazisinin 30 faizi yüksək seysmik riskli (8-9 ballıq) sahədə yerləşir.

Bunu XeberOxu.Az-a  AMEA Coğrafiya İnstitutunun Azərbaycanın iqtisadi və siyasi coğrafiyası şöbəsinin müdiri, coğrafiya üzrə elmlər doktoru Nəriman Paşayev bildirib.

Onun sözlərinə görə, ölkəmizdə Böyük-Qafqazın cənub-şərq yamacı (Şamaxı-İsmayıllı), Naxçıvan Muxtar Respublikasının orta və yüksək dağlıq ərazisi 9 bal, Böyük Qafqazın cənub yamacı, bütün Kiçik Qafqaz, Naxçıvan Muxtar Respublikasının alçaq dağlıq ərazisi, Abşeron-Qobustan ərazisi 8 bal, qalan ərazilər isə 7 bala qədər seysmik zonaları əhatə edir.

Şöbə müdiri qeyd edib ki, zəlzələ hadisəsinin riskliliyi nəzərə alınarsa, Azərbaycanda bu sahədə Dağlıq Şirvan iqtisadi rayonu 1-ci yeri tutur. Son 100 ildə respublika ərazisində qeydə alınan 200 zəlzələnin 40 faizi Şamaxı rayonunun payına düşüb.

N.Paşayev əlavə edib ki, Abşeron iqtisadi rayonunda ən dağıdıcı zəlzələ 1842-ci ildə baş verib:

"O dövrdən uzun müddət sonra - 2000-ci ildə Bakı şəhəri yenidən zəlzələnin vurduğu itkiyə məruz qalıb. Bu zəlzələ bir daha sübut etdi ki, Azərbaycan yüksək seysmikliyə malik zonada yerləşir. Bu baxımdan iki məsələ əsasdır. Bunlardan biri tikinti işlərini yüksək keyfiyyətlə aparmaq, ikincisi binaları seysmiklik normasından 2 bal yuxarı bala uyğun tikməkdir. Digər məsələ isə zəlzələ barədə proqnozun verilməsidir, lakin bu məsələ elm üçün əlçatmazdır. İnkişaf etmiş ölkələrin, eləcə də Azərbaycanın bu sahədə fəaliyyət göstərən elm mərkəzləri və alimlərinin zəlzələnin olacağına dair (1-2 saat əvvəl) proqnozları haqqında danışılsa da, hələlik bunlar özünü doğrultmayıb".

Xeberoxu.az

Məqalə:  

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







ETSN: Azərbaycanda böyük bir toplum ovun qadağan olunmasını düzgün hesab edir







Yanvarda Türkiyədən Azərbaycana avtomobil ixracı artıb







Bakı polisi 1 gündə 28 cinayətin üstünü açdı







Ötən gün yol qəzalarında 3 nəfər ölüb, 4 nəfər xəsarət alıb


Digər Cəmiyyət xəbərləri


Xeberler 2019 və son xeberler 2020 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda     Reklam      Əlaqə

(051) 660-40-00



[email protected]



© Xeberoxu.az 2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.