Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



11 Iyun
2019
13:53
633



Bakı Ali Neft Məktəbinin komandaları III Robot Olimpiadasının qalibi olub

Bakı Ali Neft Məktəbinin komandaları ölkəmizdə 8-19 yaşlı yeniyetmə və gənclər arasında keçirilən III Robot Olimpiadasının qalibi olub.

Ümumilikdə, 6 kateqoriya üzrə keçirilən Olimpiadada 30 müəssisədən 62 komanda iştirak üçün qeydiyyatdan keçib. Bundan əlavə, olimpiadada ilk dəfə Gəncə, Sumqayıt şəhərlərindən və Lənkəran rayonundan olan yeniyetmə və gənclər də iştirak edib.

III Robot Olimpiadası Heydər Əliyev Mərkəzində “İnnovasiya Festifalı” çərçivəsində Gənclər və İdman, Təhsil, Nəqliyyat, Rabitə və Yüksək Texnologiylar nazirliklərinin dəstəyi, Azərbaycan Robotexnika Mühəndisliyi Akademiyası və “Gənclərin Təhsil, Təlim, Peşə və İnkişaf Mərkəzi” İctimai Birliyinin təşkilatçılığı ilə keçirilib.

Bakı Ali Neft Məktəbi Olimpiadada “Open Senior” kateqoriyası üzrə 2 komanda ilə təmsil olunub. Bu kateqoriya üzrə 10 komanda qeydiyyatdan keçsə də, yarış zamanı yalnız 5 komanda qalibiyyət uğrunda mübarizə aparıb. Bakı Ali Neft Məktəbini təmsil edən komandalar 1-ci və 3-cü yerin qalibi olublar.

1-ci yerin qalibi Bakı Ali Neft Məktəbinin Proseslərin avtomatlaşdırılması mühəndisliyi fakültəsinin 2-ci kurs tələbələri Eyvaz Nəcəfli, Rüstəm Məmmədli və Əli Əsgərovun üzvü olduğu “TechNoBotics” komandası olub.

3-cü yerə isə Ali məktəbin Proseslərin avtomatlaşdırılması mühəndisliyi fakültəsinin 2-ci kurs tələbələri Azər Əliyev, Məryəm Allahverdiyeva, Tural Həsənov və Neft-qaz mühəndisliyi fakültəsinin 2-ci kurs tələbəsi Toğrul Tahirovun təmsil olunduğu “Cosa Nostra” komandası çıxıb.

I yerə çıxan komandamız bu ilin 8-10 noyabr tarixində Macarıstanda keçiriləcək Dünya Robot Olimpiadasında iştirak hüququ qazanıb.

Qeyd edək ki, dünyanın ən böyük robototexnika yarışı olan Dünya Robot Olimpiadası 2004-cü ildən etibarən hər il fərqli mövzular üzrə müxtəlif ölkələrdə keçirilir. İlk dəfə Sinqapurda təşkil edilən bu Olimpiadada 12 ölkə iştirak etsə də, hazırda bu say 70-i ötüb.

Xatırladaq ki, Azərbaycan 2017-ci ilin sonunda Dünya Robot Olimpiadasının həqiqi üzvlüyünə qəbul edilib

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







"Stadler" Bakı-Tbilisi-Qars dəmir yolu üçün yeni vaqonların gətiriləcəyi VAXTI açıqladı







Los Anceles sinaqoqunda Azərbaycanın tolerantlığına dair təqdimat keçirilib







Azərbaycanda narkotik vasitələrin qanunsuz dövriyyəsinə görə həbs olunanların SAYI







Bakıda kommersiya obyektləri və torpaq sahələri cüzi bahalaşıb


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az