09 Avq 2019
18:25
![]() |
09
Avq 18:25
![]() Almaniyada ixtisasartırma kursu keçmək istəyən sahibkarların nəzərinə! Azərbaycan Respublikasının Kiçik və Orta Biznesin İnkişafı Agentliyi (KOBİA) “Azərbaycanın biznes ictimaiyyətində menecerlərin ixtisasının artırılması üzrə Almaniya-Azərbaycan birgə Proqramı” çərçivəsində 2020-ci ildə Almaniyada “İqtisadi kooperasiya” üzrə 1 aylıq ixtisasartırma kursunda iştirak etmək istəyən sahibkar və menecerlər üçün müsabiqə elan edir. KOBİA-dan XeberOxu.az-a verilən məlumata görə, proqramın məqsədi Azərbaycanın sahibkarlıq subyektlərinin Almaniyada ixtisasartırma kursu keçməsinə, onların beynəlxalq təcrübəyə yiyələnməsinə, biznes sahəsində müasir nəsil menecerlərin hazırlığı və ixtisasının artırılmasına, alman şirkətləri ilə birbaşa iqtisadi əlaqələrin qurulmasına dəstək göstərməkdir. İxtisasartırma kursunda iştirak etmək istəyən sahibkar və menecerlər müvafiq sənədləri 20 sentyabr 2019-cu il tarixinədək KOBİA-ya təqdim etməlidir. Tələblərə cavab verən namizədlər oktyabr ayında Almaniyanın Beynəlxalq Əməkdaşlıq Cəmiyyətinin (GİZ) mütəxəssislərinin iştirakı ilə keçiriləcək seçim mərhələsində iştirak edəcək. İngilis dilində keçiriləcək ixtisasartırma kursu çərçivəsində sahibkar və menecerlər üçün treninqlər, Almaniyanın aparıcı müəssisələrinə təlim səfərləri, alman şirkətlərində işgüzar görüşlər təşkil ediləcəkdir. İxtisasartırma kursu zamanı Almaniyada qalmaq və tədris xərcləri Proqramın təşkilatçıları tərəfindən qarşılanacaq. Müsabiqədə iştirak və lazımi sənədlər barədə ətraflı məlumatı KOBİA-nın internet səhifəsindən əldə etmək olar: http://smb.gov.az/news/almaniyada-ixtisasartirma-kursu-kecmk-istyn-sahibkarlarin-nzrin Məqalə:
Xeberoxu.az ANDROID əməliyyat sistemli smartfonla Bizimlə əlaqə saxlayın ![]() ![]()
|
Ən Çox Oxunanlar
Narkotikə görə tutulmuş jurnalist məhkəmə qarşısında
Əmi 11 yaşlı qardaşı qızını öldürüb basdırdı - Azərbaycanda ŞOK hadisə
“Ermənistan Dilqəmlə Şahbazı azad etməkdən inadla imtina edir”
Deputat oğlunun həbs müddəti uzadıldı
|
© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az |