Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



11 Avq
2019
17:10
384



Qaradağ rayonunda gənc əsgərlərin andiçmə mərasimi keçirilib

Avqustun 11-də Qaradağ rayonundakı "N" saylı hərbi hissədə gənc əsgərlərin andiçmə mərasimi keçirilib.

Andiçmə mərasimində Milli Məclisin deputatları - YAP İcra katibinin müavini Siyavuş Novruzov, deputatlar - Rauf Əliyev, İlham Əliyev, Əliağa Hüseynov, Fəzail Ağamalı, “Səs” qəzetinin baş redaktoru Bəhruz Quliyev, “İki Sahil” qəzetinin baş redaktoru Vüqar Rəhimzadə, YAP-ın gənc fəalları və əsgər valideynləri iştirak ediblər.

Hərbi hissənin komandiri, polkovnik Siyavuş Mustafayev iştirakçıları salamlayıb və deyib ki, hərbi and içmək hər bir əsgər üçün şərəfli və qürurlu hadisədir.

“Azərbaycan xalqının ümummilli lideri, müstəqil Azərbaycan Ordusunun qurucusu ulu öndər Heydər Əliyev hərbçilərə daim diqqət və qayğı göstərib və bu gün Ali Baş Komandan, Prezident İlham Əliyev ordu quruculuğu prosesini inkişaf etdirərək, Silahlı Qüvvələrimizi dünyanın ən güclüləri sırasına daxil edib", - deyən S.Mustafayev əlavə edib ki, Azərbaycan əsgəri daim öz Vətəninin, dövlətinin ərazi bütövlüyünü göz bəbəyi kimi qoruyur və işğal altındakı torpaqlarımızı hər an azad etməyə hazırdır:

"Bu gün hərbi and içən hər bir gənc əsgər əmindir ki, düşmənə qalib gəlməyə qadirdir. Müdafiə naziri Zakir Həsənov, Silahlı Qüvvələrimizin Baş Qərargah rəisi Nəcməddin Sadıkov da öz fəaliyyətləri ilə daim ordu quruculuğuna töhfələrini verir, əsgərlərimizin, zabit heyətinin qayğısına qalırlar. Mən bu gün and içən bütün əsgərlərimizi belə bir şərəfli gün münasibətilə təbrik edir, onlara xidmətlərində uğurlar arzulayıram”.

YAP İcra katibinin müavini, Milli Məclisin deputatı Siyavuş Novruzov nitqində vurğulayıb ki, müasir müstəqil Azərbaycan Ordusunda hərbi xidmət keçmək böyük şərəfdir: “Bu gün buraya toplaşan hər bir əsgər valideyni övladının hərbi and içməsindən qürur duyur. Çünki gənc əsgərlərin hər biri ana Vətənin xidmətində dayanacaq. Eyni zamanda, hərbi xidmət keçmək böyük bir həyat məktəbidir. Bu məktəbi keçən əsgərlərimiz gələcək həyatlarında dövlət və Vətən sevgilərini daha dərindən anlayacaqlar. Belə bir qürur hissini əsgərlərimiz və onların valideynləri ilə birgə keçirməkdən biz də şərəf duyuruq. Burada hərbi xidmət keçən bütün əsgərlərimizi, zabit heyətini təbrik edir, fəaliyyətlərində uğurlar arzulayıram".

Sonra Vətənə xidmət andı içmiş gənc əsgər Azad Məmmədov və gənc matros Murad Cahangirov deyiblər ki, Azərbaycan Respublikasına xidmət etməkdən qürur duyurlar və öz hərbi xidmətlərini layiqincə yerinə yetirib, Vətənin borcundan şərəflə çıxacaqlar.

Əsgər nənəsi Şəfaqət Məmmədova belə bir tədbir keçirdiyinə görə hərbi hissə rəhbərliyinə bütün valideynlər adından minnətdarlığını bildirib və qeyd edib ki, hərbi and içmiş hər bir əsgər belə bir tarixi günü yaşamaqla onu öz həyat səhifəsinə yazacaq: "Belə bir gün münasibətilə hər kəsi təbrik edirəm və xidmətlərini uğurla başa vurmalarını arzulayıram”.

Tədbirin rəsmi hissəsi başa çatdıqdan sonra bədii proqram təqdim olunub. Respublikanın tanınmış incəsənət ustaları öz musiqi töhfələri ilə iştirakçılara xoş ovqat bəxş ediblər.

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







"Stadler" Bakı-Tbilisi-Qars dəmir yolu üçün yeni vaqonların gətiriləcəyi VAXTI açıqladı







Los Anceles sinaqoqunda Azərbaycanın tolerantlığına dair təqdimat keçirilib







Azərbaycanda narkotik vasitələrin qanunsuz dövriyyəsinə görə həbs olunanların SAYI







Bakıda kommersiya obyektləri və torpaq sahələri cüzi bahalaşıb


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az