Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



15 Sen
2019
14:58
1248

15
Sen
14:58



Bakıda maşının qabağını qaldırmaq üçün görün nələr edirlər - REYD - VİDEO

Yol polisi Bakıda reyd keçirib. Avtosfer.az xəbər verir ki, reyd zamanı nəqliyyat vasitələrinə konstruksiya dəyişikliyi edən, əlavə avadanlıq quraşdıran, müxtəlif müdaxilələrlə nəqliyyat vasitəsinin görüşünü və ağırlıq mərkəzini dəyişən sürücülər aşkar edilib. Bu cür hallar daha çox "Memar Əcəmi" metrostansiyası yaxınlığında qeydə alınıb. Rusiya istehsalı olan bir neçə nəqliyyat vasitəsinin yük yerinə baxış zamanı qum kisələri və mişar daşına rast gəlinib. Eləcə də digər ağır materiallar ilə nəqliyyat vasitələrinin arxa görünüşünü dəyişən sürücülər aşkarlanıb. Məlum olub ki, onlar nəqliyyat vasitələrinin ön hissəsinin qalxması üçün yük yerinə qəsdən bu cür materiallar yığaraq avtomobili idarə edirlər. 


Yol polisi tərəfindən həmin sürücülərlə söhbətlər aparılıb və onların nəzərinə çatdırılıb ki, bununla nəqliyyat vasitələrinin ağırlıq mərkəzi dəyişir və tormuz məsafəsinin uzanmasına, nəticədə yol-nəqliyyat hadisələrinin baş verməsinə səbəb olurlar. 


Sürücülərin əksəriyyəti mişar daşı daşımaqla ev tikdiyini, yaxud təmir işi apardığını bildirsə də yol polisi əməkdaşları diqqətə çatdırıblar ki, bu cür hallar son vaxtlarda kütləvilik halını alıb. Sürücülərin də bəhanəsi hər zaman eyni olur. YPX əməkdaşları bu cür sürücülər barəsində qanuni tədbirlər görüb. Bir neçə nəqliyyat vasitəsi cərimə meydançasına aparılıb. Reyd zamanı avtomobilə əlavə avadanlıq quraşdıran, səsboğucuya müdaxilə etməklə ətrafda yaşayan insanların narahatlığına səbəb olan sürücülər də aşkarlanıb. Yol polisi bu tədbirləri davam etdirəcək.

 

Bakı Şəhər Dövlət Yol Polisi İdarəsinin bölmə rəisi, polkovnik Vaqif Əsədov bildirib ki, bir neçə saat ərzində keçirilən reyd zamanı 16 fakt aşkarlanıb və hər bir sürücü barəsində inzibati tənbeh tədbiri seçilib. Vaqif Əsədovun sözlərinə görə, sürücülər bu hərəkətlərlə digərlərindən fərqlənməyə çalışır və kobud qayda pozuntusuna yol verirlər. Buna görə də yol polisi bu nəqliyyat vasitələrini aşkar etdikdə sürücülər barəsində sərt tədbirlər görür.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Bakıda ilk dəfə 4 tərəfli piyada keçidi təşkil edilib







Bərdə Rayonunda bədbəxt hadisə baş verib







Dumanlı hava şəraiti hökm sürəcək







Deputatlar bu gün nələri müzakirə edəcək?


Digər Avto-Moto xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az