17 Yan
2020
19:53
1525

17
Yan
19:53



Əsmər Əliyeva təbliğat kampaniyasına belə başladı

Şirvandan deputatlığa namizəd Əsmər Əliyeva təbliğat və təşviqat kampaniyasına Heydər Əliyevin abidəsini və Şəhidlər Xiyabanını ziyarət etməklə başlayıb.

Xeberoxu.Az xəbər verir ki, 46 saylı Şirvan şəhər dairə seçki komissiyası tərəfindən deputatlığa namizədliyi qeydə alınmış Əsmər Əliyevanın sözlərinə görə, onu millət vəkili olmağa həvəsləndirən Prezident İlham Əliyevin  son kadr və siyasi islahatları, eyni zamanda, gənclərin dövlət idarəçiliyində önə çəkilməsi olub:

“Mən dövlətimiz, xalqımız, şirvanlılar adına layiqli millət vəkili olacağıma hər kəsi əmin edirəm”.

Daha sonra Şəhidlər Xiyabanını ziyarət edən Əsmər Əliyeva vətənimizin ərazi bütövlüyü uğrunda gedən döyüşlərdə şəhid olmuş Azad Səttarovun ailəsinə baş çəkib. Şəhid ailəsinə baş sağlığı verərək bildirib ki, ölkə rəhbərliyinin şəhid ailələrinə, Qarabağ əlillərinə və bu kateqoriyadan olan insanlara göstərdikləri diqqət və qayğı gənclər üçün bir nümunədir:

“Biz bu yolla gedərək cənab Prezidentimiz İlham Əliyevə və birinci vitse- prezidentimiz Mehriban Əliyevaya dəstək olacağıq”. Şəhid anası da öz növbəsində Əsmər Əliyevaya xeyir-dua verib.

Deputatlığa namizəd Əsmər Əliyevanı daha yaxından tanımaq üçün onun qısa bioqrafiyasına nəzər salaq:

Ə. Əliyeva 1985-ci ildə Bakı şəhərində anadan olub. 2000-ci ildə Bakı şəhər N.İsmayılov adına 80 nömrəli orta məktəbi fərqlənmə attestatı və fəxri fərmanla bitirib.

2000-ci ildə  Bakı Dövlət Universitetinin hüquq fakültəsinə daxil olub, 2004-cü ildə oranı  bakalavr, 2006-cı ildə isə magistr pilləsi üzrə fərqlənmə diplomu ilə bitirib.

2006-cı ilin sentyabrından Bakı Dövlət Universitetinin hüquq fakültəsində müəllim vəzifəsində çalışmağa başlayıb. 2012-ci ildə hüquq üzrə fəlsəfə doktoru elmi dərəcəsini alıb. 2017-ci ildən Mülki proses və kommersiya hüququ kafedrasının dosentidir. Hüququn bir neşə sahəsi üzrə bakalavr və magistratura pilləsində Azərbaycan  və  ingilis dillərində mühazirələr oxuyur. Bundan başqa, Bakı Dövlət Universitetinin Hüquq fakültəsində fəaliyyət göstərən  birdəfəlik Dissertasiya Şuralarında üzv kimi fəaliyyət göstərir.

2014-cü ildən Ədliyyə Nazirliyinin Ədliyyə Akademiyasının yarımştat müəllimidir, hakimliyə namizədlərə, ədliyyə qulluqçularına, bələdiyyə sədrlərinə və digərlərinə təlimlər keçir.

Həmçinin, İqtisad Universitetinin, SABAH“ qruplarına ingilis dilində  mühazirələr oxuyur. Konstitusiya Məhkəməsinin Plenumlarında  maliyyə, bank və mülki prosessual qanunvericilik sahələrində baxılan işlərdə ekspert qismində çıxış edir.

2 dərs vəsaitinin, 1 monoqrafiyanın, 3 tədris proqramının, 2 qəzet məqaləsinin və 2-si xaricdə olmaqla 20-dən çox  elmi məqalənin müəllifidir.

 BDU-nun Rektorunun əmri ilə 2017-ci ildə Bakı Dövlət Universitetinin ictimai həyatında fəal mövqeyinə, vəzifəsinə məsuliyyətlə yanaşdığına görə “Fəxri Fərman”la təltif edilib.

Təhsil Nazirinin 28 dekabr 2019-cu il tarixli əmri ilə “Bakı Dövlət Universitetinin 100 illiyi Azərbaycan Respublikası yubiley medalı“  ilə təltif olunub.

Ailəlidir, 3 övladı var.

Xeberoxu.az

Məqalə:  

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







ETSN: Azərbaycanda böyük bir toplum ovun qadağan olunmasını düzgün hesab edir







Yanvarda Türkiyədən Azərbaycana avtomobil ixracı artıb







Bakı polisi 1 gündə 28 cinayətin üstünü açdı







Ötən gün yol qəzalarında 3 nəfər ölüb, 4 nəfər xəsarət alıb


Digər Cəmiyyət xəbərləri


Xeberler 2019 və son xeberler 2020 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda     Reklam      Əlaqə

(051) 660-40-00



[email protected]



© Xeberoxu.az 2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.