Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



21 Sen
2019
11:13
372

21
Sen
11:13



İncəsənət ustaları “Neft Daşları”nda konsert proqramı ilə çıxış ediblər

Sentyabrın 19-da Bakı Şəhər Mədəniyyət Baş İdarəsinin, Yeni Azərbaycan Partiyası Pirallahı və Binəqədi rayon təşkilatlarının birgə təşkilatçılığı ilə Neft Daşları qəsəbəsində "20 Sentyabr - Neftçilər Günü" və "Əsrin müqaviləsi"nin 25 illiyi ilə əlaqədar bayram tədbiri keçirilib.

Xeberoxu.Az-ın məlumatına görə, tədbir öncəsi qonaqlar ümummilli lider Heydər Əliyevin büstü və qəhrəmancasına həlak olmuş neftçilərin xatirə-kompleksi önünə gül dəstələri qoyublar.

Azərbaycan Respublikasının Dövlət Himni səsləndikdən sonra, tədbir iştirakçıları "Əsrin müqaviləsi"nə həsr olunmuş video-çarx izləyiblər.

Millət vəkili, Milli Məclisin Əmək və sosial siyasət komitəsinin sədr müavini Rauf Əliyev, Millət vəkili, "Yeni Azərbaycan" qəzetinin baş redaktoru Hikmət Babaoğlu, Yeni Azərbaycan Partiyası Pirallahı rayon təşkilatının sədri Hikmət Şikarov, Yeni Azərbaycan Partiyası Binəqədi rayon təşkilatının sədri Ramiz Göyüşov, Neft Daşları NQÇİ-nin rəisi, Yeni Azərbaycan Partiyası Pirallahı rayon təşkilatı sədrinin müavini Qoçalı Mahmudov, "Səs" qəzetinin baş redaktoru Bəhruz Quliyev, tədbirdə qonaq qismində iştirak ediblər.

Bayram tədbirinin rəsmi hissəsində Azərbaycanda neftçıxarmanın tarixində yeni mərhələ olan, 1994-cü ilin sentyabrın 20-də ulu öndər Heydər Əliyevin uzaqgörən siyasəti nəticəsində ölkədə siyasi-iqtisadi vəziyyətin yaxşılaşdırılmasını hədəfə alaraq dünyanın 8 ölkəsini təmsil edən 13 iri neft şirkəti ilə imzalanan “Əsrin müqaviləsi”nin ölkəmizin ictimai-siyasi həyatında rolundan danışılıb.

Neftçilər Günü və “Əsrin müqaviləsi”nin imzalanmasının 25 illiyinə həsr edilən tədbir bədii hissə ilə davam edib. Azərbaycanın tanınmış incəsənət ustaları Amil Həsənoğlu, Elnur Məmmədov, Aynur Dadaşova, Fatimə Fətəliyeva, Kəmalə Səfərəliyeva, Könül Məmmədli, Pərvin Fəttah gözəl ifaları və rəqsləri ilə neftçilərin peşə bayramını təbrik ediblər.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Şəkidə arxeoloji qazıntılar zamanı dronlardan istifadə olunub







Beyləqanda 2 otaqlı yanğın olub, xəsarət alan var







Elton Türkiyəyə köçür







Birinci vitse-prezident Mehriban Əliyeva: Gözəl diyar Azərbaycan!


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az