Haqqımızda
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



08 Okt
2019
18:27
417

08
Okt
18:27



Aİİ-də Könül Bünyadzadənin kitab təqdimatı olub

Azərbaycan İlahiyyat İnstitutunda (Aİİ) AMEA-nın müxbir üzvü, fəlsəfə elmləri doktoru Könül Bünyadzadənin “Ülvi gəncliyin sirləri” kitabının təqdimatı keçirilib.

Aİİ-nin elm və innovasiyalar üzrə prorektoru Aqil Şirinov tədbir iştirakçılarını salamlayaraq bildirib ki, İnstitutda müxtəlif mövzularda ardıcıl təşkil olunan “dəyirmi masa”lar, treninqlər, seminarlar, görüşlər maarifləndirmə məqsədi daşıyır. A.Şirinov fəlsəfə elmləri doktoru Könül Bünyadzadənin keçən dövr ərzində Aİİ tələbələri qarşısında “Gəncliyin fəlsəfəsi” mövzusunda seminarı və “Eşqin hikməti” adlı kitabının təqdimatının keçirildiyini qeyd edib. Bildirib ki, belə tədbirlərdə tələbələrin aktiv iştirakı onların bilik səviyyələrinin artırılmasında, nitq mədəniyyətlərinin formalaşmasında, ictimai əhəmiyyətli fikirlərinin zənginləşdirilməsində xüsusi rol oynayır

Sonra AMEA-nın müxbir üzvü, fəlsəfə elmləri doktoru Könül Bünyadzadə “Ülvi gəncliyin sirləri” kitabının ərsəyə gəlməsi haqqında məlumat verib. Qeyd edib ki, nəşrdə gənc yaşlarında tarixdə iz qoymuş peyğəmbərlərin, sərkərdələrin, tarixi şəxsiyyətlərin, şairlərin, mifik qəhrəmanların həyat və fəaliyyəti əsasında gəncliyin əhəmiyyətli xüsusiyyətinin fəlsəfi şərhi verilib. Müəyyən qanunauyğunluğu izləmək məqsədilə tədqiqat üç əsas istiqamət - zaman, din və reallıq üzrə aparılıb. Belə ki, gəncliyin dəyişilməz prinsiplərini nəzərə çatdırmaq və təhlil məqsədilə burada qədim və müasir dövr, dini və ictimai sahələr, real şəxsiyyətlər və mifik qəhrəmanlar yer alıb. Kitabda Azərbaycanda, artıq kifayət qədər məlum olan və tədqiq edilən dini və tarixi şəxsiyyətlərlə yanaşı, ilk dəfə Yeremiya peyğəmbər, Fateh Sultan Məhməd, uyğur şairi Lütfullah Mütəllib və digər şəxsiyyətlər də araşdırılıb.

K.Bünyadzadə bildirib ki, tarixin istənilən kəsiyində dünya mənzərəsinə baxdıqda ön planda həmişə gəncliyi görmək mümkündür. Yeni ideyalar irəli sürən, cəsarətli addımlar atan, savaşlarda göz qırpmadan canını fəda edənlər də məhz gənclərdir.

Tədbir gənclərin maddiyyat və əbədiyyət, qılınc və qələm arasında etdikləri seçim, gənclik və cəmiyyət, gəncliyin fateh ruhu, onun qorxuları, sevgisi, yaradıcılıq axtarışları kimi əlaqəli kontekslərdə müzakirəsi ilə davam edib.

Məqalə:



Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Narkotikə görə tutulmuş jurnalist məhkəmə qarşısında







Əmi 11 yaşlı qardaşı qızını öldürüb basdırdı - Azərbaycanda ŞOK hadisə







“Ermənistan Dilqəmlə Şahbazı azad etməkdən inadla imtina edir”







Deputat oğlunun həbs müddəti uzadıldı


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az