Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



08 Okt
2019
21:45
150

08
Okt
21:45



Əqli Mülkiyyət Agentliyi ölkəmizin innovasiya sahəsində reytiqinin hesablanması sahəsində ÜƏMT ilə əməkdaşıq edəcək

Xəbər verildiyi kimi, Azərbaycan Respublikasının Əqli Mülkiyyət Agentliyinin nümayəndə heyəti Ümumdünya Əqli Mülkiyyət Təşkilatının (ÜƏMT) üzv dövlətlərinin Assambleyalarının Cenevrə şəhərində keçirilən 59-cu sessiyasında iştirak edir. Həmin tədbir çərçivəsində Agentliyin İdarə Heyətinin üzvü Sənan Tapdıqov ÜƏMT-nın İqtisadiyyat və Statistika bölməsinin baş iqtisadçısı Saşa Vunş-Vincent ilə görüşüb.

S.Tapdıqov dayanıqlı və rəqabətqabiliyyətli milli iqtisadiyyatın qurulması məqsədi ilə ölkə rəhbərliyinin həyata keçirdiyi geniş islahatlar proqramı, bu islahatların real faydalar verməsi barədə danışmış, onların sistemli şəkildə uzunmüddətli perspektivə tuşlandığını bildirmişdir.

Ölkədə biznes mühitinin təkmilləşdirilməsi istiqamətində atılan addımlardan bəhs edən Agentliyin rəsmisi qeyd etmişdir ki, bunun nəticəsində sahibkarlığın inkişafına mənfi təsirlər aradan götürülür, inzibati amillər effektiv idarəçiliyi təmin edəcək səviyyəyə qədər minimallaşdırılır, ardıcıl olaraq iqtisadi tənzimləmə mexanizmləri, o cümlədən daha sadə və transparent vergi siyasəti vasitəsilə tətbiq edilir. S.Tapdıqovun sözlərinə görə, bu siyasətin nəticələri o cümlədən beynəlxalq reytinqlərdə əks olunur.

Bununla yanaşı, o bildirmişdir ki, bəzən belə reytinqlərin qiymətləndirmə metodologiyalarının, onların hansı mənbələrə, meyarlara və göstəricilərə əsasən hazırlanması təəccüb doğurur. Bu mənada S.Tapdıqov diqqəti cari il nəşr olunmuş Qlobal İnnovasiya İndeksi – 2019” hesabatına yönəltmişdir. Belə ki, həmin hesabatda Azərbaycan ilə bağlı məlumatlar reallığı tam düzgün əks etdirməmiş, bəzi indekslərdə kəskin fərqlər olduğu açıq görünməkdədir.

Öz növbəsində, S.Vunş-Vincent Azərbaycanın bu hesabata diqqətlə yanaşmasını yüksək qiymətləndirib və növbəti hesabatın hazırlanmasında məlumatların dürust mənbələrdən əldə edilməsi üçün əməkdaşlığın vacib olduğunu bildirib. O, ilkin olaraq Azərbaycanın innovativ inkişaf sahəsində fəaliyyət göstərən qurumların nümayəndələri ilə video konfransın keçirilməsinı, daha sonra isə Bakıda bu mövzuda dəyirmi masanın təşkil olunmasını təklif edib.

Görüşdə innovasiyaların inkişafına təkan verə biləcək digər maraq doğuran məsələlər ətrafında fikir mübadiləsi aparılmışdır.

Qeyd edək ki, “Qlobal İnnovasiya İndeksi” ÜƏMT, ABŞ-nın Kornell Universiteti və INSEAD Biznes Məktəbi tərəfindən hazırlanır və müxtəlif indikatorlar əsasında 130-a qədər ölkənin reytinqini müəyyən edir.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Şəkidə arxeoloji qazıntılar zamanı dronlardan istifadə olunub







Beyləqanda 2 otaqlı yanğın olub, xəsarət alan var







Elton Türkiyəyə köçür







Birinci vitse-prezident Mehriban Əliyeva: Gözəl diyar Azərbaycan!


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az