Haqqımızda   Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



08 Noy
2019
07:30
105

08
Noy
07:30



Gömrük sahəsində Dünya Bankı ilə əməkdaşlıq müzakirə edilib

Dövlət Gömrük Komitəsinin (DGK) sədri, gömrük xidməti general-leytenantı Səfər Mehdiyev Dünya Bankının Azərbaycandakı daimi nümayəndəliyinin rəhbəri Navid Həsən Naqvinin rəhbərlik etdiyi nümayəndə heyəti ilə görüşüb.

DGK-dən XeberOxu.Az-a verilən məlumata görə, komitə sədri Dünya Bankı ilə Azərbaycan gömrük orqanları arasında uzunmüddətli, səmərəli əlaqələrdən məmnunluqla bəhs edib və bu əməkdaşlığın gömrük xidmətinin inkişafına töhfə verdiyini diqqətə çatdırıb.

S.Mehdyev bildirib ki, son dövrlərdə Prezident İlham Əliyevin gömrük sistemində reallaşdırdığı islahatlar hesabına gömrük orqanları bütün sahələrdə, o cümlədən korrupsiyaya qarşı mübarizə və şəffaflığın təmin olunması istiqamətində mühüm nailiyyətlər əldə edib.

Qeyd olunub ki, bu ilin fevralından tətbiq olunan "Yaşıl dəhliz" buraxılış sistemi idxal-ixrac əməliyyatlarının sürətli və maneəsiz şəkildə həyata keçirilməsinə, ticarətin asanlaşdırılmasına, ticarət-təchizat zəncirinin təhlükəsizliyinin təmin edilməsinə, vətəndaş-məmur təmasının minimuma endirilməsinə və könüllü riayət prinsipinin formalaşmasına zəmin yaradıb.

Azərbaycanda biznes mühitinin yaxşılaşdırılması istiqamətində mühüm işlərin görüldüyünü vurğulayan Komitə sədri Dünya Bankının "Doing Business 2020" hesabatına əsasən, Azərbaycanın dünyanın 20 ən islahatçı ölkəsindən biri kimi elan olunmasını həyata keçirilən islahatların nəticəsi kimi dəyərləndirib. Hesabatda sərhəddə ticarət indikatoru üzrə bu il Azərbaycanın bir pillə irəlilədiyini qeyd edən S.Mehdiyev bu mövqenin daha da möhkəmləndirilməsi üçün gələcək hədəflərdən danışıb.

Səmimi görüşə və ətraflı məlumata görə DGK sədrinə təşəkkür edən Dünya Bankının Azərbaycandakı daimi nümayəndəliyinin rəhbəri Navid Həsən Naqvi Azərbaycanda aparılan islahatlar nəticəsində əldə olunan nailiyyətlərdən məmnunluğunu ifadə edib.

Azərbaycanın Dünya Bankı ilə əməkdaşlığını yüksək qiymətləndirən qonaq Dünya Bankının Azərbaycan hökuməti ilə bütün sahələrdə əməkdaşlığa böyük önəm verdiyini vurğulayaraq, gömrük sistemində də əməkdaşlığın perspektivləri barədə fikirlərini açıqlayıb.

Qonaq gömrük sahəsində təmsil etdiyi qurumla səmərəli əlaqələrin bundan sonra daha da güclənəcəyinə əminliyini ifadə edib.

Sonra Gömrük Risklərinin İdarəolunması və Audit Baş İdarəsi rəisinin birinci müavini Anar Süleymanov "Gömrük sistemində islahatlar: ticarətin asanlaşdırılması" adlı təqdimatla çıxış edərək islahatlar çərçivəsində həyata keçirilən innovativ layihələr barədə görüş iştirakçılarına ətraflı məlumat verib.

Daha sonra qarşılıqlı maraq doğuran bəzi məsələlər barəsində fikir mübadiləsi aparılıb.

Məqalə:



Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Radiasiya yüksək olan ərazilərdə pol-pola qəbul edilməsi məsləhətdir







Anar Ağakişiyev: Öz kosmetika brendimi yaradıram







Şəki sakini "Opeli" aşırdı, xəstəxanaya aparılarkən yolda öldü







“InvestAZ”-dan dünya maliyyə bazarları ilə bağlı həftəlik analiz


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az