Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



14 Avq
2019
14:09
213



Hindistanın Ay stansiyası Yerin təbii peykinin trayektoriyasına yönləndirilib

Hindistanın planetimizin orbitində yerləşən "Çandrayan-2" Ay stansiyası Yerin təbii peykinin trayektoriyasına yönləndirilib. 

XeberOxu.az AZƏRTAC-a istinadən bildirir ki, bu məlumatı Hindistan Kosmik Tədqiqatlar Agentliyi (ISRO) yayıb.

Agentliyin məlumatına görə, kosmik aparat tədricən Yerin orbitinin ən yüksək zirvəsinə qalxıb və avqustun 20-də Ayın orbitinə çıxacaq. ISRO bildirib ki, yüksəliş manevri zamanı kosmik aparatın maye ilə işləyən mühərriki 1203 saniyə fəaliyyətdə olub ki, bu da "Çandrayan-2"yə Ayın uçuş orbitinə çıxmağa imkan verib. O da qeyd olunub ki, əvvəllər, iyulun 23-dən avqustun 6-dək olan müddətdə, kosmik aparatın orbiti beş dəfə genişlənib.

Alimlər hesab edirlər ki, bundan sonra ekspedisiyanın ən çətin və məsuliyyətli mərhələsi başlayır. Kosmik aparat Aya yaxınlaşdıqda, onun maye ilə işləyən mühərriki yenidən işə salınacaq və stansiya Yerin təbii peykinin lazımi orbitinə yerləşdiriləcək. ISRO-nun mütəxəssisləri daha dörd orbital manevr həyata keçirəcək və kosmik aparatın 100 kilometr yüksəklikdə Ayən qütblərinin üzərindən keçməsini təmin edəcəklər. Sonra aparatın enməsi üçün əlverişli yer seçiləcək. Bu məqamda - sentyabrın 2-də "Vikram" eniş modulu aparatdan ayrılacaq. Enmə modulu müstəqil olaraq iki orbital manevr edəcək və nəhayət, Ayın səthindəki seçilmiş yerə enəcək.

Hindistan kosmik aparatının Ayın səthinə yumşaq eniş etməsi sentyabrın 7-nə nəzərdə tutulub. Bu, Yerdən göndərilən kosmik aparatın Ayın cənub qütbünə ilk enişi olacaq. "Vikram" eniş modulu planetimizin təbii peykinə 27 kiloqram çəkisi olan "Praqyan" lunoxodunu endirəcək. O, Ayın səthində ən azı bir Ay günü (14 Yer günü) işləyəcək. Lunoxodun bundan sonra da fəaliyyətini davam etdirəcəyi istisna olunmur. Orbital modulun isə Yerin təbii peykində bir il işləyəcəyi bildirilir.

ISRO bildirib ki, Ayın cənub qütbü tədqiqat üçün təsadüfən seçilməyib. Məhz bu ərazi əvvəllər heç bir ölkə tərəfindən tədqiq edilməyib və indiyədək kosmik aparatlar Ayın ekvatorial hissəsini öyrəniblər. Hindistanın kosmik missiyasının əsas məqsədlərindən biri isə Yerin təbii peykinin səthində suyun aşkar edilməsidir. Bundan başqa, cənub qütbündən götürüləcək torpaq nümunələrinin Yerin təbii peykinin geoloji tarixinin tədqiqində daha faydalı olacağı qeyd olunur.

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







"Stadler" Bakı-Tbilisi-Qars dəmir yolu üçün yeni vaqonların gətiriləcəyi VAXTI açıqladı







Los Anceles sinaqoqunda Azərbaycanın tolerantlığına dair təqdimat keçirilib







Azərbaycanda narkotik vasitələrin qanunsuz dövriyyəsinə görə həbs olunanların SAYI







Bakıda kommersiya obyektləri və torpaq sahələri cüzi bahalaşıb


Digər Dünya xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az