Samux rayonunda kürəkənini bıçaqlamaqda təqsirləndirilən Rafael Ələkbərovun cinayət işi üzrə ibtidai istintaq başa çatıb.

XeberOxu.Az xəbər verir ki, baxılması üçün Gəncə Ağır Cinayətlər Məhkəməsinə göndərilən iş hakim Elmin Rüstəmovun icraatına verilib.

Qeyd edək ki, hadisə ötən ilin sentyabr ayında rayonun Qovlarsarı kəndində baş verib.

Gəncə şəhər sakini, 1992-ci il təvəllüdlü Vüqar Həsənov mübahisə zəminində 1973-cü il təvəllüdlü qayınatası Rafael Ələkbərov tərəfindən bıçaqlanıb.

R.Ələkbərova Cinayət Məcəlləsinin 126.1-ci (qəsdən sağlamlığa ağır xəsarət yetirmə) maddəsi ilə ittiham verilib.