XEBEROXU.AZ
Haqqımızda     Reklam
RU
Baş səhifə Siyasət İqtisadiyyat Cəmiyyət Şou-biznes Hadisə Dünya Hava proqnozu                               
Mədəniyyət Müharibə Avto-Moto Maraqlı İdman Hadisə Haqqımızda                           
Azərbaycanda koronavirusla bağlı xəbərlər
Xeberoxu.az Telegramda
Bütün xəbərlər
XEBEROXU.AZ RU   



16 Yan
2021
20:28
951
16
Yan
20:28



Ermənilər Qarabağda Azərbaycan mədəniyyətinin izlərini silməyə çalışırdılar - Deputat

Prezident İlham Əliyevin Şuşaya səfəri xüsusi önəm daşıyırdı. Səfər zamanı Prezident bir çox vacib məqamlara toxundu, ciddi mesajlar verdi. Ermənilər Qarabağda Azərbaycan mədəniyyətinin izlərini silməyə, dini abidələrimizi dağıtmağa çalışırdılar. Ancaq edə bilmədilər. Ali Baş Komandanın rəhbərliyi ilə Azərbaycan ordusu düşmənə layiqli cavab verdi. Ermənistan tarixdə layiqli cəzasını və dərsini aldı.

XeberOxu.Az-ın məlumatına görə,bunu  Milli Məclisin deputatı Ceyhun Məmmədov deyib.

Deputat bildirib ki, Prezident İlham Əliyev bir daha Ermənistandakı revanşist qüvvələrə ciddi xəbərdarlıq etdi ki, onlar yenidən baş qaldırsalar, bir daha "dəmir yumruq"la üzləşəklər:

“Azərbaycan təxribatlara çox ciddi reaksiya verəcək. Odur ki, 44 gündə baş verənlərdən ermənilər ciddi nəticə çıxarmalıdırlar. Prezident İlham Əliyev çıxışında ermənilərin tarixi abidələrimizə vandal münasibətindən də geniş söhbət açdı. Ermənilərin mədəniyyət abidələrimizi, məscidlərimizi dağıtdıqlarını xüsusi qeyd etdi. Bülbülün ev muzeyi, Vaqifin məqbərəsiin indiki vəziyyəti bu vəhşiliyin ən parlaq nümunəsidir. Bu bir daha ermənilərin necə vəhşi düşmən olduqlarını, İslam dəyərlərinə necə düşmən münasibəti bəslədiklərini göstərir. Sanki sivilizasiyadan uzaq, vəhşi qəbilə keçib bu yerlərdən.

Bu eyni zamanda, Ermənistanın həyata keçirdiyi islamofob siyasətdən xəbər verir. Bu həmçinin Ermənistanın ikiüzlülüyünün göstəricisidir. Bir tərəfdən özünü müsəlmanların dostu kimi göstərməyə, müsəlman ölkələri ilə əlaqələrini gücləndirməyə çalışır. Digər tərəfdən müsəlman məscidlərini dağıdır, içərisində heyvan saxlayır, təhqir edir. Məscidləri dağıdanlardan müsəlmanlara dost olmaz. Müsəlman ölkələri bunu mütləq ciddi şəkildə nəzərə almalıdırlar”.

Deputat vurğulayıb ki, ermənilər Qarabağda Aşağı Gövhər məscidini təmir edərək, gözdən pərdə asmağa çalışırdılar: “Guya İslam abidələrinə hörmətli yanaşırlar. Cinayət törədərək bu məscidin təmiri zamanı saxtalaşdırma ediblər. Budur Ermənistanın həqiqi mahiyyəti – saxtakarlıq və islam dəyərlərinə düşmən münasibət.

Ermənistandan fərqli olaraq Azərbaycanda bütün dini abidələr, o cümlədən erməni kilsəsi dövlət tərəfindən himayə olunur. Azərbaycanda bütün xalqların və dinlərin nümayəndələri sülh və qarşılıqlı anlaşma şəraitində yaşayırlar, dövlətin yüksək diqqət və qayğısı ilə əhatə olunublar. Bu gün Azərbaycan dünyada tolerantlığın və multikulturalizmin mərkəzlərindən biri sayılır”.

C.Məmmədov qeyd edib ki, digər vacib bir məqam isə beynəlxalq təşkilatların və bir sıra müsəlman ölkələrinin bu vəhşiliyə, islama düşmən münasibətə laqeyd və biganə yanaşmasıdır:

“Azərbaycan məscidlərinin dağıdılmasına göz yuman beynəlxalq qurumlar və bir sıra dövlətlər Azərbaycandakı xristian abidələrindən bu gün narahatlıqlarını ifadə edirlər. Bu bir daha ikili standartın və qərəzli münasibətin göstəricisidir. Prezident İlham Əliyevin qeyd etdiyi kimi, belə çıxır məscidləri dağıtmaq olar? Narahat olmasınlar, biz ermənilər kimi vəhşi deyilik, digər din və mədəniyyətlərə düşmən münasibət bəsləmirik. Hamısını qorumuşuq və qoruyacağıq.

Azərbaycan qısa müddətdə bölgədəki bütün dini abidələri bərpa edəcək, bu yerlərdə tezliklə həyat öz axarına qayıdacaq. Azərbaycanın bunun üçün geniş imkanları, iqtisadi resursları və zəngin təcrübəsi var. Artıq layihələndirmə işlərinə başlanılıb”.

Xeberoxu.az

  ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Qusar sakinindən odlu silah götürüldü - FOTO







Sosial şəbəkələrdə narkotiki təbliğ edən şəxs həbs edilib - VİDEO







Gəncədə su sayğaclarını oğurlayan şəxs saxlanıldı







Ağstafa rayonunda "Ford" yanıb


Digər Siyasət xəbərləri


Xeberler 2021 və son xeberler 2021 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda      Reklam      Əlaqə

(012) 436-28-31
(051) 660-40-00

[email protected]




© Xeberoxu.az 2021 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.