XEBEROXU.AZ
Haqqımızda     Reklam
RU
Baş səhifə Siyasət İqtisadiyyat Cəmiyyət Şou-biznes Hadisə Dünya Hava proqnozu                               
Mədəniyyət Müharibə Avto-Moto Maraqlı İdman Hadisə Haqqımızda                           
Azərbaycanda koronavirusla bağlı xəbərlər
Xeberoxu.az Telegramda
Bütün xəbərlər
XEBEROXU.AZ RU   



17 Yan
2021
00:15
1061
17
Yan
00:15



Heydər Əliyev məktəbinin, İlham Əliyev idarəçiliyinin yetişdirdiyi gənclər bizə Zəfər yaşatdı - Deputat

Azərbaycanın əldə etdiyi tarixi zəfəri şərtləndirən bir sıra mühüm əhmiyyətli faktorlar var ki, onların da başında hər şeydən öncə lider və insan amili dayanır. Tarixi təcrübə də, bugünkü ən yeni reallıqlar da bir daha təsdiq edir ki, qələbəni yalnız güclü iradəyə sahib, qətiyyətli, heç nədən çəkinməyərək cəsur qərarlar qəbul edən, milli maraqları hər şeydən üstün tutmağı bacaran, bununla yanaşı həm də onu qorumağa qadir liderlər qazana bilir.

XeberOxu.Az-ın məlumatına görə,bunu  Milli Məclisin deputatı Hikmət Babaoğlu deyib.

Deputat bildirib ki, 44 günlük Vətən müharibəsi tarixində xalq öz liderində bütün bu keyfiyyətləri bir daha gördü:

“Ancaq bunu təkcə Azərbaycan xalqı deyil, dost da, düşmən də, bütün dünya da gördü. Azərbaycan əzilən, işğala məruz qalan, haqqı əlindən alınan xalqlara öz mübarizəsi ilə bir örnək oldu. Bütün dünyaya göstərdi ki, ədaləti, beynəlxalq hüququ necə bərpa etmək olar. Ancaq bunun üçün əlbəttə milli gücün ümumilikdə məqsədyönlü şəkildə səfərbər olması şərti də var ki, bu da yenə, əsas etibarilə insan faktoru ilə bağlıdır. Məsələ ondadır ki, Azərbaycan xalqına bu tarixi zəfəri qazandıran Azərbaycan əsgəri Heydər Əliyev məktəbinin, İlham Əliyev idarəçiliyinin yetişdirdiyi gənclərdir ki, bu iki mühüm faktor əslində həm də milli həmrəyliyimizi təmin edən komponentlərdir.

Heydər Əliyev məktəbi ənənələrində gələn dəyərlər əsasında 2003-cü ildən sonra yeni idarəçiliyin tətbiq olunması ilə ölkəmizdə tamamilə yen mənəvi və intellektual əsaslarda nəsil yetişdirildi ki, burada iştirak edən başlıca mənəvi komponentlər isə vətənpərvərlik, cəsurluq və mənəvi dəyərlərimizə sahib çıxma duyğuları idi”.

Deputat vurğulayıb ki, 2003-cü ildə 10-15 yaşında olan gənclər məhz bu idarəçilikdə və bu dəyərlər əsasında tərbiyə edilərək artıq 2020-ildə vətən savaşına qatılan 25-32 yaşlı qəhrəmanlara çevrildilər:

“Vətən müharibəmizin qədərini təyin etdilər, düşmənə tarixi dərs verdilər. Məhz onlar döyüşdə rəşadət, şücaət, cəsarət nümayiş etdirərək Şuşamızı azad etdilər. Bu, dünya hərb tarixinə keçən ən nadir qəhrəmanlıq nümunələrindən biri idi. Ancaq bununla yanaşı, Azərbaycanda gənclər də, orta nəsil nümayəndələri də, yaşlılar da eyni əzm, eyni coşqu ilə Vətən müharibəmizdə tarixi qələbəmiz üçün əllərindən gələni etdilər. Bu isə əslində milli birlik və bərabərliyimizin, millət olaraq Ali Baş Komandanımız, Prezident İlham Əliyev ətrafında yumruq kimi birləşməyimzin göstəricisi idi.

Məhz bu yumruq milli birliyimizin və gücümüzün simvoluna çevrildi. Dəmir yumruq düşmənin başını əzdi, belini qırdı. Bu günlərdə Azərbaycan Prezidenti və birinci xanımın Şuşaya səfər etməsi, oradan yenidən dosta və düşmənə mühüm mesajlar verməsi hər bir azərbaycanlının qəlbini fəxarət və qürur hissi ilə doldurdu”.

Xeberoxu.az

  ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Qusar sakinindən odlu silah götürüldü - FOTO







Sosial şəbəkələrdə narkotiki təbliğ edən şəxs həbs edilib - VİDEO







Gəncədə su sayğaclarını oğurlayan şəxs saxlanıldı







Ağstafa rayonunda "Ford" yanıb


Digər Siyasət xəbərləri


Xeberler 2021 və son xeberler 2021 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda      Reklam      Əlaqə

(012) 436-28-31
(051) 660-40-00

[email protected]




© Xeberoxu.az 2021 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.