Türkiyədə yayımlanan “Sadakatsiz” serialında rol alan aktrisa Özge Özderini sosial media istifadəçisi özündən çıxarıb.

XeberOxu.Az türk mətbuatına istinadən bildirir ki, izləyicilərindən biri “O qədər mənasızdır ki... 7 aylıq hamilə olduğu halda seriala çəkilir və hamiləliyini də paltarla ört-basdır edir. Özge Özderin yerinə çəkiləcək başqa aktrisa yoxdur?” kimi sözlər yazaraq onun ekran işində çəkilməsinə etiraz edib.

Bu sözlərdən əsəbiləşən 42 yaşlı Özge izləyicisinə sərt reaksiya verərək bunları deyib:

“Necə görünməyim həmişə qadın izləyicilərimə dərd olub. Kişilərdən heç vaxt mənfi rəy gəlməz. Həyatım qadınların mənə nifrəti, düşmənçiliyi ilə keçdi. Sizin başqa dərdiniz yoxdu? Şikayətinizi serialı çəkən şirkətə bildirin. Pandemiya dövründə məni işdən çıxartsınlar. Siz də rahat olun. Əslində mən bir aktrisanı hamilə qaldı deyə işindən edən adamlarla işləmirəm, çox şükr”.