Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



19 Iyul
2019
15:43
471



"PAŞA Bank"ın dəstəyi ilə Bakıda “Rəqəmsal transformasiya və innovasiyalar” mövzusunda seminar keçirilir

Azərbaycanın aparıcı korporativ bankı olan "PAŞA Bank"ın dəstəyi ilə Bakıda “Dövlət sektorunda rəqəmsal transformasiya və innovasiyalar” mövzusunda beynəlxalq seminar başlayıb.

Tədbir Azərbaycan Respublikası Prezident Aparatı, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin təşəbbüsü ilə “Skolkovo” Moskva biznes idarəetmə məktəbi və İsveçrənin St.Gallen institutu ilə birgə həyata keçirilir.

Seminarda dövlət qurumlarının nümayəndələri, müstəqil konsultantlar, maliyyə sahəsində beynəlxalq ekspertlər və s. olmaqla təxminən 70 nümayəndə iştirak edir. Tədbirdə müzakirə olunan əsas mövzular “Azərbaycanda dövlət xidmətlərinin rəqəmsallaşdırılması: ümumi baxışdan tətbiq mərhələlərinədək” və “Rəqəmsal strategiyalar”dır.

Bir neçə müxtəlif planlı müzakirə paneli zamanı tədbirin spikerləri və seminar iştirakçıları dövlət xidmətlərinin bütün seqmentlərində ən yeni rəqəmsal həllər və effektiv risk mədəniyyətinin tətbiqi perspektivləri barədə fikir mübadiləsi aparacaq və bu sahədə müasir meyllər və çağırışlar barədə öz fikirlərini bildirəcəklər. Ekspertlər dövlət və özəl sektorun əməkdaşlığının rolunu müzakirə edəcək, aparıcı özəl şirkətlərin rəqəmsal transformasiya təcrübəsinin dövlət idarəçiliyində tətbiqi perspektivləri və bu gün aktual olan digər mövzular üzrə müxtəlif müzakirələr aparacaq.

"PAŞA Bank"ın İdarə heyətinin sədri Taleh Kazımov tədbir iştirakçılarına müraciətində qeyd edib ki, son illər ölkəmizdə makroiqtisadi sabitliyin, iqtisadi artımın davam etməsi və maliyyə dayanıqlılığının daha da güclənməsi öz əlamətdarlığı ilə seçilib.

“Ölkə iqtisadiyyatı yüksək inkişaf dinamikasını saxlamağa müvəffəq olub, mürəkkəb xarici risklər və çağırışlar şəraitində yüksək dayanıqlılıq və sabitlik nümayiş etdirib. Məhz belə bir vaxtda Azərbaycan hökumətinin rəqəmsal transformasiya mərhələsinə daxil olması xüsusi əhəmiyyət kəsb edir. Rəqəmsal transformasiyaya ilk addım atan biznes qurumu olaraq biz, ilk gündən aydın şəkildə dərk edirdik ki, bizim bu transformasiyanı müştərilərimizdən və əməkdaşlıq etdiyimiz dövlət qurumlarından kənarda həyata keçirməyimiz mümkün deyil. Bu səbəblə bizim Rəqəmsal transformasiya strategiyamızda müştərəklik xüsusi rol oynayır və bu strategiya çərçivəsində "PAŞA Bank" öz tərəfdaşlarının da bu yolda inkişaf etməsinə dəstək olmaq üçün müvafiq tədbirlər görür”, – deyə T.Kazımov fikrini yekunlaşdırıb.

Qeyd edək ki, “Dövlət sektorunda rəqəmsal transformasiya və innovasiyalar” mövzusunda iki gün davam edəcək seminar iyulun 20-si sona çatacaq.

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







Polisdən dilənçilərlə bağlı xəbərdarlıq: Nəzarətsiz uşaqların oğurlanması halları var







"28 may" stansiyasında istifadəsi dayandırılan eskalatorda təftiş yekunlaşıb







Jalə Əliyeva və Ceyla Nağızadə dünya çempionatında çıxış etdi







Yol polislərinin forması dəyişdi


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az