# EVDƏQAL
# EVDƏQAL



24 Apr
2020
05:30
6158

24
Apr
05:30



Mobil telefonumuzu koronavirusdan necə təmizləyək?

XeberOxu.Az kaspi.az-a istinadən yazını təqdim edir. 

Alimlərin sözlərinə görə, koronavirusdan qorunmaq üçün insanlar gigiyenaya böyük diqqət yetirməli, əllərini tez-tez sabun və isti su ilə yumalıdır. Lakin əlinizi yusanız da, mobil telefonunuza toxunan zaman əllərinizin yenidən çirklənmək riski böyükdür. Çünki koronavirus səthlər üzərində bir neçə gün qalmaq xüsusiyyətinə malikdir. Bəs bunun qarşısını almaq üçün, mobil telefonlarımızı necə təmizləməliyik?

"Gənclərə məsləhət" rubrikamızda mobil telefonlarımızı dezinfeksiya etmək üsullarını araşdırdıq.

Əslində, korona ilə mübarizə aparmasaq belə, telefonları və digər mobil cihazları vaxtaşırı təmizləmək lazımdır. Lakin, koronavirusun bu qədər yoluxucu olmasını və səthlərdə bir neçə gün yaşaya biləcəyini nəzərə alaraq, onları daha tez-tez təmizləmək hamı üçün bir adətə çevrilməlidir.

Mobil telefonlarımızı təmizləmək üçün hansı vasitələrdən istifadə etməliyik?

Əllərinizin təmizlənməsi və dezinfeksiyası üçün istifadə etdiyiniz vasitələrdən telefonların təmizlənməsi üçün də istifadə edə bilərsiniz, lakin bəzi vasitələr digərlərinə nisbətən bu iş üçün daha uyğundur. 

Mütəxəssislər deyir ki, ən yaxşı tövsiyə, eynək təmizləmək üçün nəzərdə tutulan yumşaq bir parçanı, su və sabun qarışığı ilə nəmləndirib telefonu hərtərəfli silməkdir. Baxmayaraq ki, bəzi müasir smartfonlar suya davamlıdır, heç bir telefonun suyun altına salınması tövsiyə edilmir. Nəzərə alın ki, telefonunuzu təmizləməzdən əvvəl, onu enerji mənbəyindən ayırmaq lazımdır. 

"Apple" nə tövsiyə edir?

Məşhur "Apple" şirkəti öz səhifəsində məhsullarının displey və digər çöl səthlərinin 70 faizlik izopropil spirt məhlulları və yaxud  dezinfeksiyaedici salfetlərdən istifadə edərək silinməsini tövsiyə edir. Spirt tez bir zamanda telefonun səthi üzərindən buxarlanır və bütün mikrobları öldürür. Hər hansı kimyəvi ağardıcı vasitələrin istifadəsi tövsiyə olunmur və mobil cihazların su və ya təmizləyici vasitə ilə doldurulmuş qaba qoyub yuyulması, cihazınızı ciddi şəkildə zədələyə bilər. Həmçinin, yüksək alkoqol tərkibli mayelər smartfonun displeyi üzərindəki oleofob qatının zədələnməsinə gətirib çıxara bilər, buna görə də telefonu spirt və yaxud digər təmizləyici vasitə ilə təmizləyəndən sonra onu dərhal quru salfet və yaxud parça ilə qurutmaq zəruridir. 

Müasir texnologiyalar

İstəsəniz, "yüksək texnologiyalar"dan da istifadə edə bilərsiniz. "PhoneSoap" və "Homedics" kimi şirkətlər telefonlar üçün UV (ultrabənövşəyi şüalanma) vannaları təklif edir. Hətta "Samsunq" şirkəti bəzi ölkələrdə öz mağazalarında müştərilərə smartfonlarını pulsuz olaraq oxşar üsulla təmizləməyi təklif edir.

Alimlər bildirir ki, günəş işığı və UV əsaslı təmizləyici vasitələr koronavirusu təsirsiz hala gətirir. Lakin unutmayın ki, bu üsulla virusu zərərsizləşdirmək üçün çoxlu vaxt tələb olunur, sabun və dezinfeksiya vasitələri isə bunu demək olar ki, dərhal edir.

Ümumdünya Səhiyyə Təşkilatı əllərin tez-tez və düzgün (minimum 20-30 saniyə ərzində) yuyulmasını məsləhət görür, buna görə də, bu tövsiyəyə ciddi şəkildə əməl etmək üçün gündəlik həyatımızın ayrılmaz bir elementi olan mobil telefonun təmiz olması da olduqca vacibdir.


Xeberoxu.az

Məqalə:  

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Şokoladın tərkibi, sağlamlığa fayda və zərərləri







TƏBİB və Bakı Media Mərkəzi "Metodiki Göstərişlər"lə bağlı növbəti videoçarx hazırlayıb -VİDEO







Lerikdəki Büzeyir qalası qədim insan məskənidir







Beynəlxalq Türk Akademiyası yanında Türkologiya Kafedraları Şurasının iclası keçirilib


Digər Maraqlı xəbərləri


Xeberler 2019 və son xeberler 2020 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda     Reklam      Əlaqə

(051) 660-40-00



[email protected]



© Xeberoxu.az 2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.