Canlı TV  Canlı Radio 
Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



07 Okt
2019
12:50
609

07
Okt
12:50



“Azərxalça” növbəti ildən boyaq bitkilərinin tədarükünə başlayacaq

“Azərxalça” Açıq Səhmdar Cəmiyyəti 2020-ci ildən boyaq bitkilərinin tədarükünə başlayacaq.

Səhmdar Cəmiyyətinin mətbuat xidmətindən XeberOxu.Az-a verilən məlumata görə, bu proses respublikamızda ilk dəfədir ki, həyata keçirildiyindən maarifləndirmə işlərinin aparılmasına ehtiyac var.

Məqsəd boyaq bitkiləri, onların toplanma üsulları barədə əhalini maarifləndirməkdir. Ona görə də bu ildən bölgələrdə əhali ilə görüşlər keçiriləcəkdir. İlk belə tədbir Quba rayonunun Təngəaltı kəndində təşkil olunub.

Tədbirdə “Azərxalça” Açıq Səhmdar Cəmiyyəti İdarə Heyətinin sədri, professor Vidadi Muradov çıxış edərək son illər ölkəmizdə xalçaçılığın inkişafı istiqamətində görülən işlər barədə danışıb.

Qeyd olunub ki, hazırda “Azərxalça”nın respublikamızın bölgələrində 21 filialı fəaliyyət göstərir. Səhmdar Cəmiyyətin filiallarından 3-ü məhz bu bölgədə - Qubada, Xaçmazda və Şabranda yaradılıb. “Azərxalça”nın filiallarının və respublikamızda fəaliyyət göstərən özəl xalça istehsalı emalatxanalarının yun ipliklə təmin edilməsi və idxaldan asılılığın aradan qaldırılması üçün Sumqayıt Kimya Sənaye Parkında Yunəyrici-Boyaq Fabriki tikilib. Bu fabriki xammalla Naxçıvan şəhərində, Bərdə, Qobustan, Şabran və Sabirabad rayonlarında yaradılan regional yun və boyaq bitkilərinin tədarükü məntəqələri təmin edəcək. Həmin məntəqələrdə bu ilin may ayından yun tədarükünə başlanılıb. Gələn ildən isə boyaq bitkiləri tədarük olunacaq. Tədarük olunan yun əyrilərək iplik istehsal ediləcək, həmin iplik də toplanan təbii boyaq bitkiləri ilə boyanacaqdır.
Vidadi Muradov Quba rayonu ərazində bitən boyaq bitkiləri haqqında görüş iştirakçılarına ətraflı məlumat verib. Bildirilib ki, təbiətdə boyaq tərkibi olmayan heç bir bitki yoxdur. Bar verməyən ağacların belə, gövdəsi, yarpaqları rənglidir. Azərbaycanda 1500 növə qədər boyaq xüsusiyyətli bitki vardır.

Bu boyaq bitkilərinin böyük əksəriyyəti Quba rayonu ərazisində mövcuddur.

Rayonun Cimi kənd sakini Ağacan Kərimov çıxış edərək deyib ki, xalçaçılığın inkişafına yönəldilmiş belə tədbirlər əhalinin rifah halının yaxşılaşdırılmasına da böyük təsir göstərir. O bildirib ki, Quba rayonunun ərazisi boyaq bitkiləri ilə zəngindir. 19-cu əsrin sonu 20-ci əsrin əvvəllərində Qubada boyaqçılıq emalatxanaları fəaliyyət göstərib. Bu boyaq bitkilərinin toplanması heç bir xərc tələb etmir. Sadəcə zəhmət çəkmək lazımdır. Boyaq bitkilərinin tədarük olunması rayon sakinləri üçün əlavə qazanc mənbəyidir.
Ağacan Kərimov onlara göstərilən diqqət və qayğıya görə sakinlər adından ölkə rəhbərinə minnətdarlığını ifadə edib.
Sonra bu ərazidəki meşədə yabanı halda bitən zoğal, zirinc, qoz, yemişan, əzgil, itburnu, çaytikanı, alça, armud, alma, palıd, gəndəlaş toplanıb, bu boyaq bitkilərindən hansı rənglərin alındığı barədə ətraflı məlumat verilib. Boyaq bitkilərinin təbiətə zərər vurmadan necə toplanması əyani şəkildə tədbir iştirakçılarına izah edilib.

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Bakıda silsilə oğurluqlar edən Ağdaş sakini saxlanıldı







Bakı Dövlət Sirki köçür?







DİN qanunsuz aksiya keçirmək istəyənlərə xəbərdarlıq edib - VİDEO







Baş həkim Xocavənd RİH əməkdaşının ölüm SƏBƏBİNİ açıqladı


Digər Mədəniyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az