14 Fev
2020
11:06
772

14
Fev
11:06



Ombudsman Aparatının əməkdaşı yüksək səviyyəli məşvərət toplantısında iştirak edib

Azərbaycan Respublikasının İnsan Hüquqları üzrə Müvəkkili (Ombudsman) Aparatının İnformasiya və ictimaiyyətlə əlaqələr sektorunun baş məsləhətçisi Sevinc Şener Milli İnsan Hüquqları İnstitutlarının Avropa Şəbəkəsinin (ENNHRİ) Belçikanın paytaxtı Brüssel şəhərində “Avropa Şurasının Müstəqil Milli İnsan Hüquqları İnstitutlarının Yaradılmasına dair Tövsiyəsi və bu qurumların Avropa İttifaqının Qanununun Aliliyi Mexanizmindəki Rolu” mövzusunda keçirilmiş yüksək səviyyəli məşvərət toplantısında iştirak edib.

Ombudsman Aparatından Xeberoxu.az-a verilən məlumata görə, tədbirdə Avropa Şurasının Nazirlər Kabinetinin “Müstəqil Milli İnsan Hüquqları Təsisatlarının Yaradılmasına dair R (97)14 saylı Tövsiyəsi” nin yenilənməsi məsələsi müzakirə olunub.

Ombudsman Aparatının əməkdaşı 20-dən çox ölkənin Milli İnsan Hüquqları İnstitutlarının rəhbər və nümayəndələri ilə yanaşı, Avropa Şurası, Avropa İttifaqı, BMT və s. dövlətlərarası, regional və beynəlxalq qeyri-hökumət təşkilatların nümayəndələrinin təmsil olunduğu tədbirdə çıxış edib. S. Şener tədbir zamanı milli və regional səviyyədə milli insan hüquqları təsisatlarının fəaliyyətinin daha da gücləndirilməsi istiqamətində müvafiq təkliflər irəli sürüb.

S. Şener Azərbaycan Ombudsmanının müvafiq Konstitusiya Qanununa görə geniş mandata sahib olduğunu, həmin mandat çərçivəsində həm milli insan hüquqları təsisatı, həm ombudsman institutu, həm də milli preventiv mexanizm kimi müəyyən edildiyini qeyd edib. Aparatın əməkdaşı Müvəkkilin daim vətəndaş cəmiyyətinin üzvləri ilə sıx işlədiyini, ölkəmizdə artıq bu cür milli səviyyədə insan hüquqlarının müdafiəsi və təmininə dair 2011-ci ildə ölkə Prezidentinin Sərəncamı ilə təsdiq edilən “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”nın icrasına nəzarətin məhz Ombudsmana həvalə edildiyini, müxtəlif regionlarda dövlət orqanları, yerli özünüidarə qurumları və vətəndaş cəmiyyəti institutlarının da iştirakı ilə ictimai dinləmələr həyata keçirdiyini, həmin dinləmələr zamanı qəbul edilmiş təkliflərin müvafiq qurumlara təqdim edildiyini və ayrıca kitab şəklində çap olunduğunu, sənədin icrasına nəzarət üçün müvafiq tədbirlərin görüldüyünü bildirib.

S. Şener Ombudsmanın həm Müvəkkil, həm də milli preventiv mexanizm qismində şəxslərin saxlanılma yerlərinə xəbərdarlıq etmədən planlı və plandan kənar başçəkmələr həyata keçirdiyini vurğulayıb. O, təsisatın beynəlxalq və regional institutlarla, xüsusilə də Avropa Şurası ilə əməkdaşlığından bəhs edərkən, həmin təşkilatlarla milli insan hüquqları institutları arasında sıx əməkdaşlığın, habelə qarşılıqlı etibarın gücləndirilməsinin vacibliyini, Azərbaycan Ombudsmanının indiyədək müxtəlif vaxtlarda iki Tvinninq layihəsi və TAİEX Proqramında iştirak etdiyini, eləcə də bu günlərdə AŞ, Aİ və Azərbaycan Ombudsmanının birgə təşkilatçılığı ilə “Şərq tərəfdaşlığı ölkələrində ayrı-seçkilik, nifrət zəminində cinayət qurbanları üçün məhkəmədənkənar mexanizmlər vasitəsilə ədliyyəyə çıxış imkanlarının gücləndirilməsi” layihəsi çərçivəsində “Azərbaycan Respublikasının İnsan Hüquqları üzrə Müvəkkilinin Aparatının məsul əməkdaşları üçün ayrı-seçkiliklə mübarizə sahəsində tətbiq olunan Avropa standartlarına dair maarifləndirici təlim-seminar” keçirildiyini tədbir iştirakçılarının diqqətinə çatdırıb.

Xeberoxu.az

Məqalə:  

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Bakıda sevgililər özlərini dənizə atdılar - Qız öldü - TƏFƏRRÜAT







Bakıda eve oğurluqa girən qadını iş başında tutuldu -Video (18+)







Sürücü diqqətsizliyi qəzanı qaçılmaz etdi - VİDEO







Bakıda gecə saatlarında qəzaya uğrayan avtomobil yandı (VİDEO)


Digər Cəmiyyət xəbərləri


Xeberler 2019 və son xeberler 2020 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda     Reklam      Əlaqə

(051) 660-40-00



[email protected]



© Xeberoxu.az 2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.