14 Fev
2020
12:26
602

14
Fev
12:26



Parlament seçkiləri milli demokratiya tariximizdə mühüm bir hadisə kimi yadda qaldı - Hikmət Babaoğlu

Azərbaycanda keçirilən parlament seçkiləri milli demokratiya tariximizdə mühüm bir hadisə kimi yadda qaldı. Seçkilərin demokratik keçirilməsi üçün bütün hüquqi və siyasi tələblər yerinə yetirilmişdi.

Xeberoxu.az-ın məlumatına görə,Bunu  Milli Məclisin deputatı Hikmət Babaoğlu deyib. Onun sözlərinə görə, parlament seçkiləri bir daha onu göstərdi ki, Azərbaycanda ali qanunverici orqan məhz xalqın etimad göstərdiyi namizədlərdən formalaşacaq və ölkəmizdə həyata keçirilən islahatların ruhuna uyğun olaraq ictimai müzakirələrin mərkəzinə çevriləcək:

“9 fevral seçkilərində bir sıra mühüm yeniliklər də ictimai yaddaşa yazılmış oldu. Bunlar parlament seçkilərində namizədlərin çoxluğu, o cümlədən ən çox qadınların və gənclərin, eləcə də 19 siyasi partiyanın qeydə alınması idi. Bu, əslində cəmiyyətin siyasi palitrasının bütün təbəqələrinin, seçki prosesində iştirak etməsinin və edə bilməsinin göstəricisi kimi xarakterizə olunmalıdır. Şübhəsiz ki, demokratik cəmiyyətdə seçki marafonunda seçki gününə qədər inklüzivliyin təmin olunması mühüm bir hadisədir ki, bu da sonrakı mərhələdə seçkinin demokratik şəkildə keçirilməsini təmin edən əsas faktorlardan biri kimi çıxış edir. Ona görə də 1300-dən çox namizədin qeydə alınması, yəni müraciət edən və qanuni tələbləri yerinə yetirən hər bir namizədin Mərkəzi Seçki Komissiyası (MSK) tərəfindən qeydə alınması ilə başlayan proses sonrakı mərhələdə də seçkilərin demokratik keçirilməsini təmin etmiş oldu. Bu faktor, eyni zamanda ciddi demokratik yarış mühiti və rəqabət formalaşdırdı ki, bu da demokratiyanın əsas atributlarından biridir”.

H.Babaoğlu bildirib ki, bundan başqa, mühüm məsələlərdən biri də seçki marafonu çərçivəsində sərbəst toplaşmaq azadlığının və hər bir namizədin öz seçiciləri ilə sərbəst görüşməsinin təmin olunması idi ki, bunun da şahidi olduq. Bütün bunların nəticəsi idi ki, Azərbaycanda seçkini müşahidə edən çoxsaylı beynəlxalq və yerli müşahidə missiyaları da seçki və onun nəticələrini şübhə altına ala biləcək heç bir fikir səsləndirməyiblər:

“Düşünürəm ki, bu, milli demokratiya tariximizdə yeni bir keyfiyyət mərhələsinin başlanğıcıdır. Əlbəttə, qeyd etmək lazımdır ki, heç bir demokratik cəmiyyətdə ideal seçki keçirmək mümkün deyil. Ayrı-ayrı hallarda seçkinin ümumi nəticəsinə təsir etməyəcək kiçik nöqsanlar olubsa da, bununla bağlı seçki hüququna uyğun olaraq önümüzdəki hüquqi prosedurlar mərhələsində tədbir görüləcəkdir. Çünki Azərbaycan Prezidenti İlham Əliyev öz çıxışında qeyd edib ki, əgər haradasa qanun pozuntusu varsa, onlarla bağlı da mütləq tədbirlər görülməlidir”.

Deputat onu da vurğulayıb ki, əsas məsələlərdən biri də ATƏT-in Demokratik Təsisatlar və İnsan Hüquqları Bürosunun qiymətləndirməsində bir sıra prosedur iradları qeyd edilsə də nəticənin legitimliyini şübhə altına alacaq heç bir fikirin səsləndirilməməsidir:

“ATƏT-in Demokratik Təsisatlar və İnsan Hüquqları Bürosunun rəyi əslində seçkinin məhz demokratik, azad və sərbəst şəkildə keçirilməsini qəbul edən bir bəyanatdır. Bundan başqa, çoxsaylı qonşu ölkələrdən gələn müşahidə missiyalarının seçki ilə bağlı müşahidələri də müsbət oldu, bu da obyektiv reallığı əks etdirir. Əlbəttə ki, Azərbaycanın hədəfi bundan sonrakı mərhələdə də beynəlxalq təşkilatlarla, o cümlədən ATƏT-in Demokratik Təsisatlar və İnsan Hüquqları Bürosu ilə demokratiya sahəsində əməkdaşlığı və tərəfdaşlığı davam etdirməkdir”.

Xeberoxu.az

Məqalə:  

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







ETSN: Azərbaycanda böyük bir toplum ovun qadağan olunmasını düzgün hesab edir







Yanvarda Türkiyədən Azərbaycana avtomobil ixracı artıb







Bakı polisi 1 gündə 28 cinayətin üstünü açdı







Ötən gün yol qəzalarında 3 nəfər ölüb, 4 nəfər xəsarət alıb


Digər Siyasət xəbərləri


Xeberler 2019 və son xeberler 2020 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.

Haqqımızda     Reklam      Əlaqə

(051) 660-40-00



[email protected]



© Xeberoxu.az 2020 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.