Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



01 Iyun
2019
19:22
777

01
Iyun
19:22



Paytaxtda uşaqlar üçün təhlükəsiz internetlə bağlı maarifləndirici promo-aksiya təçkil olunub

1 iyun – Uşaqların Beynəlxalq Müdafiəsi Günü münasibətilə “ENGINET” şirkəti “Bakcell” mobil operatoru ilə birgə Bakı şəhərində uşaqlar üçün “BİRLink – Mən Sizin Gələcəyinizəm” mövzusunda maarifləndirici promo-aksiya təşkil edib.

“ENGINET” şirkətindən Xeberoxu.az-a verilən məlumata görə, “ENGINET” və “Bakcell” şirkətlərinin həyata keçirdiyi “Təhlükəsiz İnternet” layihəsi çərçivəsində baş tutmuş aksiya paytaxtın müxtəlif ərazilərində yerləşən parklarda baş tutub.

Tədbir əsnasında “ENGINET” və “Bakcell” şirkətlərinin nümayəndələri uşaqlara və onların valideynlərinə İnternet şəbəkəsinin xüsusən azyaşlılar üçün zərərləri barədə söhbət açıb, onlayn mühitdə uşaq psixikasına uyğun olmayan məlumatlardan qorunmaq üçün İnternetdən təhlükəsiz istifadənin yolları haqda geniş məlumat verib. Bildirilib ki, hazırda “BİRLink” və “Bakcell” abunəçilərinə təqdim olunan “Filtrasiyalı Uşaq İnterneti” xidməti məhz azyaşlıların İnternetdə təhlükəsiz və faydalı zaman keçirməsini təmin etmək üçün yaradılıb və bu xidmət uşaqların İnternetin təhlükəli təsirlərindən qorunmasının öhdəsindən layiqincə gəlir.

Kiçik qruplar üzrə təşkil olunan səyyar promo-aksiya zamanı təşkilatçılar tərəfindən uşaqlara müxtəlif hədiyyələr və mövzuya dair maarifləndirici materiallar təqdim edilib.

Qeyd edək ki, “ENGINET” şirkətinin təqdim etdiyi “Filtrasiyalı Uşaq İnterneti” sayəsində “Bakcell” abunəçiləri öz övladlarının İnternetdən təhlükəsiz istifadəsini təmin edə və onları onlayn mühitdə istənilən zərərli və arzuolunmaz məzmundan qoruya bilirlər. Belə ki, “Bakcell” abunəçiləri mobil operatorun təqdim etdiyi “Təhlükəsiz İnternet” paketini istənilən cihazda – mobil telefon, planşet və ya kompüterdə aktivləşdirməklə övladlarını mobil İnternetdən istifadə edərkən təhlükəli veb-məzmunlardan mühafizə edə bilər.

2009-cu ildən etibarən fəaliyyət göstərən “ENGINET” şirkəti Azərbaycan internet xidmətləri bazarında aparıcı oyunçulardan biridir. Şirkət ilk dəfə olaraq ölkədə FTTH (fiber To The Home – mənzilədək fiberoptik bağlantı) texnologiyasını uğurla tətbiq etmiş və hazırda fiziki və hüquqi şəxs olan abunəçilərinə bu texnologiyaya əsaslanan geniş spektrli telekommunikasiya xidmətləri və həlləri təqdim edir. Azərbaycanda uşaqların internetdən təhlükəsiz istifadəsi konsepsiyasını təmin edən internetin filtrasiyası xidmətinin tətbiqi də məhz “ENGINET” şirkətinin adı ilə bağlıdır. Əlavə məlumat üçün: www.enginet.az

“ENGINET” şirkətinin ticarət markası olan “BİRLink” – FTTH texnologiyasına əsaslanan optik internet, IP televiziya və telefoniya xidmətlərini, eləcə də abunəçilər üçün əlavə dəyər yaradan digər innovativ həlləri özündə birləşdirir. Brendin adı onun fəlsəfəsini dəqiqliklə əks etdirir: təmsil etdiyi qabaqcıl FTTH texnologiyası eyni optik lifli kanal üzərindən keyfiyyətə və sürətə heç bir xələl gəlmədən çoxsaylı xidmətlərin təqdim edilməsini mümkün edir. Hazırda “BİRLink” brendi altında istifadəçilərə bu qəbildən yerli bazarda analoqu olmayan internet filtrasiya, IP telefoniya, statik IP və bulud əsaslı videomüşahidə xidmətləri göstərilir. Əlavə məlumat üçün: www.birlink.az

Xeberoxu.az

ANDROID əməliyyat sistemli smartfonla

Bizimlə əlaqə saxlayın




Ən Çox Oxunanlar







Bakıda xanım sürücü qəza törədib







Arvadını döyüb balkondan atdı, sonra da yatdı.







Piyada keçidinin 5-10 metr yaxınlığından keçən piyadalar da var - REYD







Bərdədə 41 yaşlı kişi evinin qarşısında döyüldü


Digər Cəmiyyət xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az