Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



20 Iyul
2019
05:00
489



“Qarabağ-Aran Soğan İstehsalçıları və İxracatçıları Assosiasiyası” İctimai Birliyi təsis olunub

Bərdə rayonunda 120 soğan istehsalçısının iştirakı ilə “Qarabağ-Aran Soğan istehsalçıları və İxracatçıları Assosiasiyası” İctimai Birliyi təsis olunub.

XeberOxu.az-ın məlumatına görə, təsis yığıncağında Kənd Təsərrüfatı Nazirliyinin, rayon icra hakimiyyətinin nümayəndələri, soğan istehsalı ilə məşğul olan fermerlər iştirak edib.

Yeni Assosiasiya ilkin olaraq Ağdam, Bərdə, Tərtər, Ağcabədi, Şəmkir və Beyləqan rayonlarında soğan istehsalı ilə məşğul olan fermerləri öz sırasında birləşdirir.

“Qarabağ-Aran Soğan İstehsalçıları və İxracatçıları Assosiasiyası”nın əsas məqsədi ölkədə soğana olan tələbatı yerli istehsal hesabına tam ödəmək, bu məhsulun ixracının daha da artırılmasına nail olmaqdır. Bundan başqa, Assosiasiya öz fəaliyyətini soğan istehsalçılarının bilik və bacarıqlarının artırılması, fermerlərin yeni innovativ metodlarla tanış olması istiqamətində quracaq.

Tədbirdə çıxış edən Bərdə rayon İcra Hakimiyyətinin Sosial-iqtisadi inkişafın təhlili və proqnozlaşdırılması şöbəsinin müdir müavini Damət Ələkbərov, Kənd Təsərrüfatı Nazirliyinin Fermerlər, Assosiasiyalar və Kooperativlərlə iş şöbəsinin müdiri Araz İsmayılov ölkədə aqrar sahənin inkişafı ilə bağlı görülən işlər barədə ətraflı məlumat veriblər. Bildirilib ki, son dövrlərdə ölkədə fermerlərə yaxın olmaq prinsipinə əsaslanaraq kənd təsərrüfatı sahəsində ixtisaslaşmış assosiasiyaların sayı sürətlə artır. Qeyd olunub ki, Assosiasiyalar aqrar sahənin davamlı inkişafında mühüm rol oynaya və öz töhfələrini verə bilər.

Tədbirdə soğan istehsalı ilə məşğul olan fermerlər çıxış edərək “Qarabağ-Aran Soğan istehsalçıları və İxracatçıları Assosiasiyası” İctimai Birliyinin işində fəal iştirak edəcəklərini bildirib, təkliflərini səsləndiriblər.

Sonra tədbir iştirakçılarının təklifi əsasında Assosiasiyanın təsis olunması məsələsi səsə qoyulub və yekdilliklə qəbul olunub, idarə heyətinin və nəzarət-təftiş komissiyasının üzvləri seçilib. Fermer Vüqar Babayev “Qarabağ-Aran Soğan İstehsalçıları və İxracatçıları Assosiasiyası” İctimai Birliyinin İdarə Heyətinin sədri, fermer Murad Rüstəmov İdarə Heyəti sədrinin müavini seçilib.

Sonda Assosiasiyanın gələcək fəaliyyəti və soğançılığın inkişafı ilə bağlı fermerlərlə müzakirələr aparılıb.

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







Polisdən dilənçilərlə bağlı xəbərdarlıq: Nəzarətsiz uşaqların oğurlanması halları var







"28 may" stansiyasında istifadəsi dayandırılan eskalatorda təftiş yekunlaşıb







Jalə Əliyeva və Ceyla Nağızadə dünya çempionatında çıxış etdi







Yol polislərinin forması dəyişdi


Digər İqtisadiyyat xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az