Baş səhifə Siyasət İqtisadiyyat Cəmiyyət Müharibə Şou-biznes İdman Kriminal Son Xəbərlər
Son Xəbər Mədəniyyət Dünya Avto-Moto Hadisə Hava proqnozu Maraqlı Müsahibə



23 Iyul
2019
19:07
720



“Turkish Cargo” nəsli kəsilməkdə olan quzğunu təbii yaşayış mühitinə geri qaytardı

“Turkish Cargo” nadir quşu təbii mühitinə uyğunlaşdırılmış şəraitdə daşıyaraq daha bir uğurlu xilasetmə əməliyyatı həyata keçirdib. Nəsli kəsilməkdə olan quzğun uçuşuna Serbiyada başlayıb, 1600 km mövsümü miqrasiya marşrutunu qət etdikdən sonra Türkiyənin Şanlıurfa şəhərində taqətdən düşüb. Yırtıcı quş “Turkish Cargo” tərəfindən uğurla Belqrada çatdırılıb.

Serbiyanın Uvaç kanyonunda yaşayan Dobrila adlı 1.5 yaşlı quzğun şərqə mövsümü miqrasiya uçuşu zamanı taqətdən düşüb və Şanlıurfada eniş edib. Yerli fermerlər tərəfindən tapılan halsız quş vəhşi heyvanları xilasetmə və reabilitasiya mərkəzinə aparılıb.

Mərkəzdə xüsusi müayinələrdən keçən quzğun sağlam çəkiyə çatdırıldıqdan sonra miqrasiyasını davam etdirməsi üçün azadlığa buraxılıb. Bu zaman məlum olub ki, Dobrıla uçuşuna davam edə bilmir. Türkiyə kənd təsərrüfatı və meşəçilik nazirliyinin əməkdaşları quşun ayağındakı qeydiyyat nömrəsindən istifadə edərək serb höküməti ilə əlaqə saxlayıb. İkitərəfli danışıqlar nəticəsində Dobrılanın Belqraddakı Bioloji araşdırmalar institutuna (Sinişa Stankoviç) təhvil verilməsi razılaşdırılıb.

Heyvanlara və təbiətə qarşı hörmətlə yanaşan və bütün əməliyyatlarında buna əməl edən “Turkish Cargo” quzğunu İstanbuldan keçməklə, Şanlıurfadan Belqrada gətirib. Dobrılanın vətənə geri dönməsi mərasimində Türkiyə Respublikasının Serbiyadakı səfiri Tanju Bilgiç və Serbiyanın ətraf mühitin müdafiəsi naziri Qoran Trivan iştirak ediblər.

“Bu gün Dobrıla üçün xüsusi gündür. Belə ki, reabilitasiyadan sonra o ilk dəfə olaraq bu gün uçdu. Biz “Turkish Cargo” ya göstərdiyi dəstək üçün minnətdarıq” deyə Dobrılanın kuratoru bioloq İrena Xribsek (Vəhşi quşların müdafiəsi fondu) bildirib.

“Turkish Cargo” #MissionRescue yanaşmasına uyğun olaraq, canlı heyvanların daşınmasını maksimal şəkildə qayğı ilə həyata keçirdir. Buna misal olaraq bir müddət öncə Ukraynadan Yohannesburqa - öz təbii mühitlərinə daşınılmış dörd şiri göstərmək olar.

124 ölkədə 300 məntəqəyə uçuşlar həyata keçirdən “Turkish Cargo” CİTİES və İATA LAR (Canlı heyvanların daşınması qaydaları) qaydalarına riayət edir. Qaydalara əsasən, heyvanlar köçürülmə zamanı sənədləşdirmə, qəfəsdə daşınma daxil olmaqla, uçuşda maksimal qayğı və komfortla təmin edilirlər.

Quzğunun daşınmasından bəhs edən videonu aşağıdakı link vasitəsilə izləmək olar:

https://we.tl/t-FLppqiqWu6

“Turkish Cargo”un uçuş cədvəli və ya digər detalları dəqiqləşdirmək üçün www.turkishcargo.com.tr saytına daxil olmaq və ya +90 850 333 0 777 telefon nömrəsi ilə əlaqə saxlamaq olar.

Xeberoxu.az



© Materiallardan istifadə edərkən hiperlinklə istinad olunmalıdır

Bizimlə əlaqə saxlayın



Bizi Telegram-da oxuyun. Azərbaycanın və dünyanın ən vacib xəbərləri
Ən Çox Oxunanlar







Polisdən dilənçilərlə bağlı xəbərdarlıq: Nəzarətsiz uşaqların oğurlanması halları var







"28 may" stansiyasında istifadəsi dayandırılan eskalatorda təftiş yekunlaşıb







Jalə Əliyeva və Ceyla Nağızadə dünya çempionatında çıxış etdi







Yol polislərinin forması dəyişdi


Digər Dünya xəbərləri


Xeberler 2018 və son xeberler 2019 düzgün, tez və Azerbaycanda en son xeberler bugun birinci oxumaq üçün XeberOxu.az saytını izləyin. Xeberoxu.az Azərbaycanın xəbər saytı, Azərbaycandan ən son xəbərləri yayımlayır. Iqtisadi xeberler, Şou biznes xəbərləri , siyasi xeberler, kriminal xeberler, idman xeberleri, muharibe xeberleri, maliyye xeberleri təqdim edən ictimai-sosial saytdır.




© Xeberoxu.az 2019 Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. (012) 436-28-31, info@xeberoxu.az